讀者Dicky台灣升學生活回憶

憶起一個 簡單的决定， 無諗到從此就改變了我的人生.....從前裙腳仔變到獨立、 堅強，承擔、責任、 照顧人等性格的人，算是比上不足比下有餘

事情可以從1992年講起，剛剛预科畢業，投身於匯豐銀行工作數年，期間眼見死板沉悶的工作，如不進修，就沒大可能有好前景， 因而就開始考慮人生的方向……，諗左好多方案， 最後决定留學台灣，原因可能係學費便宜與生活指素低，記得當年 讀私立大學的學費大概係每年 港幣兩萬三左右， 食住大概2000蚊港幣， 真係好抵…… 94年的夏天，要走终要走，離開熟悉的地方，隻身做個過江龍，對於22歲的我，從未坐過飛機，彼岸不熟悉、語言不通、生活習慣文化之差異， 重新適應， 諗起實在不容易， 最難顶， 莫過於思鄉病等等……

第一年，考入预科先修班，原因想學好國語及融入台灣文化生活的踏腳石， 那年十分充實， 讀書氣氛濃，生活社交多方面， 亦可以認識到不同國家的同學仔， 之後更有機會參加一個月的軍訓訓練

大學時期： 九五年的夏天 我考入了一間台灣私立東海大學，係私立來言，算係數一數二， 屬前四大私立的排名，而學科我揀咗會計系，可能比較熱門，或較易搵工及穩定性。

讀書方面： 我校採用學分制， 如果超出一半學分不合格就 需要被迫退學， 佢哋俗語稱之為 被21，Year one 比較輕鬆仲未入正題， 所以啲人多數 做part time， 識異性， 參加好多社團的活動等等，但我因為比較清貧 故身兼多份兼職， 教結他、 教廣東話、英文，清潔工， 飲食服務員， 飯店櫃檯服務員等等…… 所以多數用電單車代步， 慶幸申請到清貧助學金， 其曾經幫到我急時之需……

進入year two 至畢業為止， 基本上每日都係 不停地、 上堂、 溫書、 考試， 算係與圖書館同寢…… 我諗 呢種讀書氣氛應該喺香港做唔到， 我記得 當我讀到好悶之時， 我便會揸住架電單車落去 校內牧場餵牛來減壓， 真係諗都冇諗到咁正

時間過得好快 不經不覺 就捱過四年了，有苦亦有甜、友情、愛情、兄弟情，有情有義， 患難見真情等……… 在歷練成長來言， 算係沒有白留人生……… 回港後亦不時諗起 那些年的日子是多麼的精彩回味……… 故我决定幾年後回台定居，回味昔日從前………